Adimen artifiziala (AA), konputazio-zientzien testuinguruan, sistema informatikoek edo algoritmoen konbinazioek adierazitako ezagutza- eta adimen-gaitasunen diziplina multzoa da, eta helburutzat du giza adimena imitatzen duten makinak sortzea, hobekuntzak egiten dituztenak informazioa bildu ahala. Eta adimen artifizial hori bere kabuz obrak sortzen hasi den honetan, nola uztartu gaia egile eskubideekin?
“Utilitarismoaren unibertsoan, mailu batek gehiago balio du sinfonia batek baino, labana batek poema batek baino gehiago, giltza ingeles batek margolan batek baino gehiago: azken buruan, erraza da tresna baten eraginkortasunaz jabetzea; eta gero eta zailagoa da ulertzea zertarako balio dezakeen musikak, literaturak edo arteak” (Nuccio Ordine, Diamante 1958 - Cosenza 2023).
Interneten nik sorkuntzako lan bat eskegitzen dudanean, plataforma askok egile-eskubidea lagatzeko eskatzen didate. Etorkizunerako eskubideak galtzen ditudala esan nahi du horrek?
