Asko izan dira azken asteotan EKKIk martxan jarritako hitzarmenak bazkideen obrak mundu zabalean kudea daitezen. Watermelonekin salmenta-puntuetan egongo da euskal musika, SACEMekiko bi hitzarmeni esker Frantzian eta mundu zabalean online eta offline kobratu ahal izango ditugu euskal autoreen obren erabilpenak (streaming, kontzertu, antzerki emanaldi eta abarrak), SEDAren bitartez Espainian EKKIri dagokion kanon digitala berreskuratuko dugu eta Argentinako Argentoresekin hango ateak irekiko.
Egile eta Konpositoreen Elkarteen Nazioarteko Konfederazioak (CISAC) 2026ko Urteko Txostena argitaratu du. Bertan, mundu-mailako sentsibilizazio-jardueretan egindako aurrerapideak zehazten dira. Lege eta araudien arloan huasnarketa sakona egin da azken hilabeteetan, eta datu-azpiegitura globaletan ere doikuntzak eta berrikuntzak ezarri dira.
Gogoratu EKKI CISACeko kide dela. Egile-elkarteen munduko sare horretako kide izatek aukera ematen digu euskal kulturaren sektorearentzat garrantzitsuak diren eztabaidetan parte hartzeko.
CISACen txostenean Adimen artifiziala eta egile-eskubideak aztertzen dira, eta datu-sistema globalak eta eskubideak kudeatzeko azpiegitura indartzeko beharra aipatzen da.
Voss txostena 2026ko martxoaren 10ean argitaratu zen. Azterketa labur egin dugu, eta ondorioa da beharrezkoa dela AA arautzea eta gardentasun-neurriak ezartzea egile-eskubideen errespetua bermatzeko. Txostenak bereziki kritikatzen du EBko AA Legearen dibulgazio-betebeharren gaur egungo aplikazioa AA generatiboaren hornitzaileentzat. AAren entrenamenduan eta inferentzian erabilitako egile-eskubideak eta babestutako edukia zehatzago bereizteko eskatzen du, eta eskubideen titularrei arau-haustea frogatzen laguntzeko lege-presuntzio bat sartzea proposatzen du.
